علق الإعلامي عمرو أديب، على التسريب الذي عُرض في مسلسل الاختيار بحلقة اليوم، والتي تضمنت لقاءات جمع بين الرئيس عبد الفتاح السيسي والمشير طنطاوي والرئيس الإخواني المعزول محمد مرسي، وقال: “اللي احنا شوفناه دلوقتي تاريخي، واللقاء ده بيقول أشياء كثيرة، أنا عاوز أقولكم اعتراف، أنا كعمرو، أنا مشوفتش المشير طنطاوي في لحظات مواجهة.
اقرأ المزيد:
أحمد موسى: تسريب اليوم بمسلسل الاختيار من أخطر التسريبات حتى الآن
وأضاف خلال برنامج “الحكاية” الذي يذاع على قناة “mbc مصر 2”: “أنا أعرف المشير طنطاوي بمواقفه الله يرحمه ووجوده وزيرا للدفاع، إنما أول مرة أشوفه في موقف مواجهة صوت وصورة، وهذا أمر لكل الناس اللي بتقول المسلسل ده مطلع الجيش أبطال، ودي مكنتش الحقيقة، ومكنش حد يعرف يرفع صوته في خيرت الشاطر ومحمد مرسي”.
وقال: “المشير طنطاوي كان قويا وحائط صد مفيش توزان، مفيش تنازلات، مفيش هزار، قالوا أنا بقولك لا، والراجل يقوله أرجوك، قاله أنا مطلعتش قرار المحكمة هي اللي طلعت القرار وأنا مقدرش ألغي القرار ومش هعمل الكلام ده وأنت غلط، أنت بتشوف تاريخ صوت وصورة، وموقف قوي جدا للقوات المسلحة المصرية”.
وتابع: “يقولك أنتوا بتطلعوهم أبطال، وهو حد كان يقدر يتكلم، أه كان بيقدر، الجيش المصري ليس ضعيفا، هو قوي بقوة الشعب، وهو جيش الدولة وليس جيش الرئيس، في التسريب بيقوله لا في محكمة”.
وقال: “مرسى بتاع الشرعية في التسريب بيقول للمشير إيه، بيقوله أنا عندي ترتيبات، كان ناوي يطبخها، وأنا رأيي أن ما رأيناه اليوم على الهواء من مسلسل الاختيار وهذا التسجيل الحي الواضح، بيقول أشياء كثيرة، الله يرحمه إيه القوة دي، وطبعا الراجل ده مكنش ممكن يكمل أو يبقى موجود”.
وأضاف: “بيكلمه بيقوله الشعب، رد قاله أنهي شعب؟ وهي دي الفرية بتاعت الإخوان اللي كان الجيش فاهمها من الأول، إن ده مش الشعب دي الجماعة، والجماعة ليست الشعب، كلام صريح مفيهوش دبلوماسية أو مهادنة أو كلمة وكلمة، المشير طنطاوي لا يعرف القسمة على إثنين”.
