قال المهندس محمد فرج عامر، رئيس نادي سموحة، إنه جرى التواصل مع المستشار مرتضي منصور بشأن اللاعب محمود شبانة، وتابع:” أنه كلمني قالي مش عاوز تديني شبانة ليه؟ قلتله قول صباح الخير!، رئيس الزمالك كان زميلي في مجلس النواب، قعد جمبي 5 سنين زي الفل.. يهاحمني بالليل بلا سبب وييجي تاني يوم إنسان مختلف”.
وأضاف “عامر”، خلال لقائه ببرنامج ” على مسئوليتى” المذاع على قناة صدي البلد، تقديم الإعلامي أحمد موسى، أنه كان بيشتري مني لاعبين، وأخد منه لاعبين، وبعد ذلك حدثت تجاوزات؛ وبعدها حصلت الوقيعة، وكان بيطلع برضو يهاجمني وأنا هاجمتة ورديت عليه وعلى كلامه وهو كلمني علشان عاوز شبانة.
وتابع:” مرتضى منصور التزم معي بكل الاتفاقات بيننا بنسبة 100%؛ وأنا أعرف أخد فلوسي، رئيس الزمالك قالي بشرفي هدفعلك باقي الـ 3 مليون و400 ألف، وكتبلي شيك بـ 2 مليون و400، واداني طارق علاء دون مقابل”.
وأوضح ، أن نادي الزمالك في وجود مرتضى منصور لم يهدر أي أموال على سموحة، وتابع:” اتفقت معه على الحصول على الفلوس مليون نقدًا و2 مليون و400 ألف بعد شهر بشيك”.
