ردت الفنانة فريدة سيف النصر على النقد والهجوم التي تعرضت له وذلك بعد نشرها مقطع فيديو لها وهي تصبغ شعرها بلون جديد وقد أصبحت حديث السوشيال ميديا.
وكتبت الفنانة فريدة سيف النصر على حسابها الشخصي على فيس بوك ” هو في ايه بجد ايه، الخيبه اللي أنا فيها دي، كل ما أتنفس ولا أتصور ولا اتكلم ابقي تريند وحديث المدينة، ليه خير إن شاء الله.
وأضافت فريدة سيف النصر: محسيسني أني لسه صغنونة نوغه، وأني مثلا نزلت صوره بلبس مثلا ملفت مش قاطعة لكم راسي وبس مالكم بجد، وجرايد ورقية محترمة ومواقع برضة كبيرة هو ما فيش غيري، في ناس أحلى وأصغر وأهم عندهم يرغوا فيه”
وتابعت حديثها قائلة ” هاتحرموني أكون ذوق وأدي أخبار أو أرد على صحفيين خالص، وللعلم مابحبش أصد حد أو التعالي بالذات الشباب الجديد يكون جزائي عكس الكلام واخد عناوين فرقعه علشان التريند.
واختتمت فريدة سيف النصر: الأمانة والمهنية أهم من مصطلحات السوشيال ميديا الجديدة دي، وعموما كده عيب لأي حد احترمته رغم صغر السن والحداثة في المهنة، ورديت وحبيت أسانده والنتيجة علشان فرقعة تخسرني ماشي ألف شكر ومش هرد تاني مع اعتذاري للجميع”
