وضح الفنان كريم قاسم، علاقته بـ الفنان الصاعد علي صبحي، وذلك بعد انضمام الأخير إلى فيلم ولاد رزق 3″القاضية“بـ شخصية الكوري، الفيلم الذى لقى نجاح كبير في سباق أفلام السينما بموسم العيد الاضحى.
ونشر كريم قاسم عبر حسابه الشخصي على إنستجرام، صورة تجمعه بـ الفنان علي صبحي، وعلق: ناس كتير متعرفش مين علي لحد من كام سنة، ومتعرفش أننا نعرف بعض من 15 سنة، لما كنا بنحضر ورش تمثيل صامت مع مخرجين من هولندا في الأوبرا، كنا مجموعة موهوبة بس أشطرنا وأكثرنا حضورا هو علي، كان ممثل عنده مواهب كتير.
وأضاف كريم قاسم: الحمد الله بعد سنين من التعب والسعي بدأ العالم يشوف الموهبة دي في أكتر من مشروع ولسه! سعيد وفخور بيك ياصديقي أنك ناجح ولسه عندك شغف المبتدئين، وأحييك علي صبرك السنين دي وحضورك في كل مشروع أو دور بتعمله وروحك الحلوة فيالشغل، ربنا يوفقك ويحميك يا علي في اللي جاي.
أبطال فيلم ولاد رزق 3
وانضم علي صبحي لـ أبطال فيلم ولاد رزق 3 بطولة الفنان أحمد عز، شارك في العمل كلا من: عمرو يوسف، كريم قاسم، رزان مغربي،نسرين أمين، أسماء جلال، محمد ممدوح، سيد رجب، إياد نصر، كريم عبد العزيز ضيف شرف، آسر ياسين، وغيرهم، والعمل من تأليف صلاح الجهيني، وإخراج طارق العريان.
تابعونا على صفحات موقع الحكاية الرسمية
Elhekayah TV – تليفزيون الحكاية
