كوم رز والمعلقة للشربة فقط.. خلاف على الهواء بين عمرو أديب وأمينة شلباية بسبب إتيكيت شق البطيخ
تصدرت خبيرة الإتيكيت أمينة شلباية، الترند على مواقع التواصل الاجتماعي المختلفة، بعد شرحها طريقة تناول الفاكهة بشكل متحضر خلال تواجدها في برنامج الحكاية الذي يقدمه الإعلامي عمرو اديب على شاشة إم بي سي مصر.
وسخر عمرو أديب من أمينة شلباية، أثناء شرحها إتيكيت تناول العنب، متسائلا: “إزاي نأكل العنب؟ ومن غير تأليف لأنه بتاع ربنا وبياكلوه من الشجرة”، لترد شلباية: “لو معزوم عند ناس مينفعش تاخد العنب وتفضل تلقط فيه”.
وأضافت شلباية: “هناك طريقتين لأكل العنب، الأولى بالأيد والتانية لو ورتها لك هتضربني”، ليرد أديب مازحا: “كمان في طريقتين، ده العنب بيتاكل بالخمس حبات”.
وعن طريقة تناول البطيخ قالت خبيرة الإتيكيت: “يفترض أن يقطع البطيخ إلى قطع صغيرة تأكل مرة واحدة، مع مراعاة استخراج البذر كاملا قبل تقديم البطيخ”، مؤكدة أن طريقة تقديم البطيخ تختلف من حفل شواء في الحديقة مثلا، إلى حفل رسمي، ويمكن تقطيعه إلى قطع صغيرة أو مكعبات بدون القشر، ويجب تناولها باستخدام الشوكة والسكين.
كما منعت أمينة شلباية، خبيرة الاتيكيت، الإعلامي عمرو أديب من تناول الشوربة من الطبق على الهواء، قائلة: “مش هسيبك تشرب الشوربة بالشكل دا، أنت مأفور”، موضحة: “أنا اتربيت في بيت يأكل الأرز بالشوكة والسكينة، والملعقة للشوربة فقط”.
واعترض عمرو أديب على طريقة تناول الأرز بالشوكة، ساخرا “لازم أضرب المعلقة في الرز عشان أعمل كوم واكل”، لترد أمينة: “إحنا شعب محتاج يخس عشان كده لازم ناكل الرز بالشوكة”.
