علق محمد بركات، المشرف العام على المنتخب الأولمبي على تصرف عصام الحضري مدرب حراس مرمى المنتخب السابق بعد انتقاله إلى الجهاز الفني لمنتخب سوريا.
قال بركات في تصريحات تلفزيونية: “انتقال عصام الحضري إلى منتخب سوريا مفاجأة بالنسبة لنا في اتحاد الكرة”.
وأضاف: “الحضري اتصل بخالد سرحان المترجم الخاص بميكالي مدرب منتخب مصر الأولمبي، وطلب مقابلتة ، واتفق بالفعل على مقابلة ميكالي ومعاونيه”.
وواصل: “عصام الحضري قال لميكالي إنه عنده عرضين مش عرض واحد وعايز يخوض تجربة جديدة وإنه واخد قراره، بعد محادثات مع زوجته،وكان عصام الحضري واخد قراره، ميكالي وجه له سؤالا، هل اتكلمت مع المسؤولين أو اتكلمت مع محمد بركات كمشرف على المنتخب، قاله ما أنا جايلك عشان تتكلم مع كابتن محمد بركات، عشان تنقل له رغبتي”.
وتابع: “الموضوع ده غريب جدا، عصام الحضري رايح لميكالي يقوله كلملي بركات، في ظل عمق العلاقة بيني وبين عصام الحضري، مع إننا على طول بنتكلم، ما ترفع سماعة التليفون وكلمني، الموضوع غريب جدا”.
واختتم: “طلبت إني اقعد مع عصام الحضري لكن بكرة مش انهاردة عشان كنت مرتبط بمواعيد وفوجئت إن انهاردة الاتحاد السوري أعلن بشكل رسمي عن تعيين الحضري”
