علقت النجم منى زكي على نجاح فيلمها الأخير رحلة 404 ، الذي حقق ايرادات عالية بعد عرضه بدور السينما، مشيرةً إلى أن الفيلم تم رفضه من قبل بعض المنتجين.
وقالت منى زكي في تصريحات تلفزيونية خلال لقائها في برنامج الحكاية على قناة إم بي سي مصر :” الفيلم مصنف للكبار فقط ومكنتش متخيلة إنه يصنف +18 يعني قولت ممكن +16 “.
منى زكي: الفيلم للكبار فقط ايوة.. بس لما صورت ماخوفتش والسبب يرجع لعبقرية السيناريو.. وعمرو أديب أنتي نضجتي يا منى بعد سهر الليالي
يعرض الآن مجاناً على شاهدhttps://t.co/LayFZOKEEy #الحكاية#MBCMASR pic.twitter.com/KZkmaNT8RF
— الحكاية (@Elhekayashow) February 3, 2024
وأوضحت: “ومن أول يوم وأنا حباه ومش شايفة إنه فيه حاجة وحشة، بالعكس حابة الفلسفة اللي وراه، وبعد ما صورنا شوية من الفيلم بدأت أفهم إزاي الناس ممكن تطلعك على المسرح فقلقت شوية”.
وأضافت: “إحساس إنك تقرف من شخصية غادة في الفيلم، ولازم نفهم إن إحنا مش ربنا، وكل البني أدمين بتغلط وليهم أخطاء حسب نسبة الخطأ”.
وأكدت أن الفيلم تم رفضه في وقت سابق قائلةً:” هاني خليفة جابلي الورق في 2011 وكل ما نقرر نعمله المنتجين كانوا بيقولوا ده مش فيلم جماهيري، ومش هيعجب الناس، فنعمل مشاريع تانية ونرجع تاني ندور على منتجين، وتقريبا لفينا على كل المنتجين، والرد كان إنه مش هيعجب الناس، وفي الآخر محمد حفظي هو اللي تحمس للفيلم عشان يطلع”.
وجه الفنانة، الشكر إلى جمهور السينما بالمملكة العربية السعودية، لحرصوهم على حضروا العرض الخاص لفيلمها الأخير “رحلة 404″، الذي أقيم بجدة.
وعلقت على عدة صور نشرتها على حسابها الشخصي على انستجرام لها من أمام سينما موفي بمول العرب بجدة وكتبت: “ساعات قليلة بس شفت فيها حب كبير، من قلبي شكرا لكل اللي حضروا العرض الخاص لفيلم رحلة 404 في جدة في المملكة العربية السعودية، شكرا للحفاوة في الاستقبال والحب، مبسوطة بردود الفعل الإيجابية على الفيلم، وهنبسط أكتر لما أسمع أراء باقي الجمهور ..يارب الفيلم يعجبكم”.
هنأ النجم أحمد حلمي، زوجته الفنانة منى زكي على نجاح فيلم رحلة 404 ، وذلك عبر بوست على حسابه الشخصي على “إنستجرام“.
وعلق أحمد حلمي على الصورة التي نشرها لبوستر فيلم رحلة 404 وكتب: ” الف مبروك الفيلم .. صحيح شهادتي مجروحه بس معلش هقولها .. فيلم تحفه وانتي كنتي .. (شهادتي المجروحه) … كالعاده..”.
تابعونا على صفحات موقع الحكاية الرسمية
Elhekayah TV – تليفزيون الحكاية
موضوعات ذات صلة
“القانون جابلي حقي”.. أول تعليق من منى ذكي بعد سب يوتيوبر لها
