ناشد الإعلامي عمرو أديب، الحكومة بضرورة صرف مرتبات الموظفين والمعاشات قبل موعدها، وتابع:” ياريت كل الناس تقبض قبل رمضان عشان يلحقوا يشتروا اللي عايزينه، وطبعا بنشتري طول شهر رمضان”.
وأضاف “أديب”، خلال تقديمه لبرنامج “الحكاية”، والمذاع عبر قناة ام بي سي مصر، أن الحكومة قررت تبكير صرف المرتبات فعلا ونزلوا جدول بكده.. لكن نقدر نقدم الصرف أكتر قبل رمضان لأنها هتتصرف هتتصرف.. وسعوا على الناس ربنا يوسعها عليكم.. وبقول للقطاع الخاص برضو فرح موظفينك قبل رمضان”.
وتابع:” حد يقولي ما أنت معاك لسة مرتب الشهر ده.. أقوله مرتب ايه بس؟.. ده اتصرف وأكتر منه 7 مرات.. كلنا عارفين غلاء الأسعار والكلام اللي عارفينه ده وأنا مش عايز أتكلم تاني في الموضوع ده”.
