نفت الفنانة هنادي مهنا، أن يكون الجمال عامل وعنصراً مهماً لبوابة النجومية في المجال الفني قائلة:” مالوش علاقة بالجمال لكن بالشطارة والخبرة والروح والاساس في الجمال أن يكون ذلك من الداخل قبل أن يكون في الظاهر والمهم يكون جميل من جواه والي جوه هو الي بيوصل للناس”.
وقالت “مهنا”، خلال لقائها ببرنامج “كلمة أخيرة”، والمذاع عبر قناة أون، وتقدمه الإعلامية لميس الحديدي، أن حزنها وفرحها يظهران بسهولة على ملامحها، وتابعت:” لما بزعل أو بفرح بيبان عليا على طول وأنا شخصية بفرح وبزعل بسرعة مش بقدر أزعل لفترة طويلة.. وعشان أبقى مبسوطة وعشان مش بحب أزعل لفترة طويلة بعمل حاجات تخليني مبسوطة زي المزيكا لانها بتفرق معايا أوي ولما بسمعها مودي بيتغير وبحب الطبيخ جداً”.
وتابعت:” ممكن أكون زعلانة والساعة 2 بليل أدخل المطبخ وأطبخ عادي وطالما فوق البتوجاز بنسى مشاكلي وببقى مبسوطة وأنا بعمل كده.. انا بعشق المطبخ والي عنده نفس حلو مش شرط يتقن طبخة أو أكلة معينة الموضوع له علاقة بالنفس والعكس الي مش بيعرف يطبخ بيطبخ نوع معين فقط لكن الي بيحب المطبخ أكله وجودته بيعتمد على النفس ورغم أني بتفرج على برامج أكل وطبيخ لكن عمري ماخادت الوصفات كما هي لازم أحط التاتش بتاعي ”
ورداً على سؤال لميس الحديدي بتأكلي أحمد وجبات وبتطبخي وكده ؟ قالت'” طبعاً بفطره كمان وبغديه وبعشيه وقبل ما اروح التصوير لازم أكون مطمنه أن عنده فطار وغدا وأكل لو ماعملتش كده بحس بالذنب”.
