تحدثت الفنانة وفاء عامر، عن دورها في مسلسل “حق عرب” مع الفنان أحمد العوضي، خلال موسم دراما رمضان 2024، والذي عرض على قناة “CBC”.
تطرقت لكواليس مشاركتها بمسلسل “حق عرب” ورد فعل الجمهور وعلقت: “التعاون مع أحمد العوضي أنا محظوظة جدًا وأنا مبعرفش أطبل لحد ومش محتاجة أقول فلان ده كويس والولد ده وخليني أقول الولد ده قد ايه متواضع قد ايه بيحب الناس والناس بتحبه، ولد جميل على خلق وبحب جدًا البني ادم المؤدب اللي بيحترم اللي أكبر منه، وكان بيتعامل مش كنجم كان بيتعامل كأصغر ممثل في اللوكيشن وعينه على كل حاجة بأدب وبني آدم يستحق النجاح، وفي ناس تقول مش سهل الناس تحب حد، وحبيته بجد وأهل بيته حبوه بجد”.
واستكملت: “ولو انتي مش حابه اللوكيشن ومش حابة المخرج ومش حابة زملائك أو رايحة متضايقة لكن هنا المخرج كان عظيم اتأخرت اني اشتغل مع حد زي مي فاروق وهو مطمئن وجميل وتحية كبيرة له وكان الممثلين داخلين سنين سنانهم على المشاهد وكلنا كنا داخلين نمثل وانا بتعلم وهنفضل نتعلم لحد ما نموت ويارب أفضل كويسة في عين الناس وأفضل قليلة في عين نفسي وكبيرة في عين الناس دي بتكبرني أكتر”.
ونعت وفاء عامر، الفنان الراحل صلاح السعدني الدي رحل عن عالمنا خلال الايام الماضية، قائلة:” صلاح السعدني مثلت أمامه قبل 24 عامًا، كان شخصية نادرة على كل المستويات خلقًا وفنًا وعلمًا، الحقيقة كل أدواره تدرس، وكان يبدع في كل عمل يقدمه”.
