كتبت – شروق حجازي
ولاء محمد الشهيرة بـ ويزو أو ليلي طالبة بكلية الحقوق من محافظة القاهرة، تكشفتفاصيل موهبتها التي اكتشفتها من عمر السبع سنين.
اقرأ المزيد..تزامنًا مع يوم المرأة.. أعضاء جروب Female يشاركون تجاربهم القاسية وقصص النجاح
وقالت ولاء محمد في حديثها مع موقع الحكاية: “بدأت أغني وأنا عندي سبع سنوات في الإذاعة والحفلات التي تقام في المدرسة، وشجعت موهبتي الاستاذة حنان أحمد، ولن أستطيع نسيانها لأنها كانت السبب في الوصول لكل ذلك، علمتني ازاي أغني وأتمنى تشوف كلامي ده وتعرف أن مهما مر الوقت والزمن لن أستطيع نسيانها”.
وأكملت : “كل لما بكبر حلمي بيكبر معايا ودخلت كورال المدرسة في فترة الثانوية، ويعتبر أول كورال دخلته في حياتي، من كتر حبي في الغناء كنت بدفع فلوس عشان أغني في حفلات قدام جمهور، دخلت السوشيال ميديا من حوالي 7 سنين كنت بنزل فيديوهات على فيسبوك ، وكنت بفرح بتعليقات الناس”.
@walaamuhamedd1 قتلت الماضي جوايا💔#ولاء_ويزو #fypシ
وأضافت: “في سنة 2020 بدأت أتعرف أكتر ويسمعني ناس أكثر، وتعدت فيديوهاتي حاجز الـ 5 آلاف، في سنة 2021 ابتديت انزل فيديوهاتي على التيك توك وبقا يسمعني ملايين حوالي 70 مليون متابع بعد ما كان حلمي يسمعني 500 شخص بس.
وأوضحت ولاء :” في البداية والدي ووالدتي كانوا ضد الموضوع ولكن بإصراري إني أحقق حلمي بقوا يسمعوني وفخورين بيا بعد كل اللي وصلتله، مريت بحاجات كتير وحشة وتعبت عشان أقدر أوصل وأحقق جزء بسيط حتى من أحلامي، وقعت كتير بس كل مرة كنت بقوم أقوي من الأول وواثقه اني هقدر أوصل لكل اللي بتمناه وأثبت ده لنفسي قبل الناس، أنا حققت 1% بس من أحلامي ومن أكبر أحلامي اني اقف على مسرح واحد مع الفنان أحمد كامل.
وأكملت قائلة: “أنا فخورة بنفسي عشان قدرت أدخل وسط كيان ناجح وقوي زي كورال روح الشرق، وشكر خاص للمايسترو “محمود محسن” وتعبه معانا وحلمه إننا نغني كلنا مع بعض في شوارع باريس”.
وأنهت ولاء حديثها موجهة الشكر لكل أصدقائها وأحبابها الذين ساهموا في نجاحها قائلة: “بشكر علاء صاحب عمري وحبيبي واخواتي على حبهم وتشجيعهم رغم خلافاتنا الكتير، وأصحابي كلهم على وقفتهم جنبي وتشجيعهم ليا طول الوقت، وأمي وأبويا وبقولهم اني هخليهم فخورين بيا، وأتمنى من أي حد هيقرأ كلامي أنه يدعيلي ربنا يكرمني وأحقق كل أحلامي، وأن أي حد أذاني لولاهم مكنتش انا دلوقتي ومكنتش عرفت قيمة نفسي وإني شخص كويس يستاهل كل حاجة حلوة”.
موضوعات ذات صلة:
جروب SUGARY يحتل التريند بسبب قصص الرعب.. تجارب حقيقية يرويها أصحابها
جروب SUGARY عالم صغير لأسرار الميكب.. صاحبته تدرس الصينية ولكنها تهتم بعالم التجميل
صاحب فكرة جروب ” outfit Helpers official Group “: هدفي المساعدة في اختيار الملابس وتنسيقها
